Мектептер және балабақшалар

Мектепке дейінгі тәрбиесін қамтамасыз ету
Темір ауданы бойынша 2017-2018 оқу жылында 0-7 жастағы мектеп жасына дейінгі балалар саны – 5952. Ауданымыздағы 17 мектепке дейінгі ұйымда – 1209 мектеп жасына дейінгі бала тәрбиеленуде. Оның ішінде 12 балабақшада – 1039 бала және 5 мектеп-балабақшада – 170 бала отыр. Қалалық жерде 2 балабақша (100 бүлдіршін) және ауылдық жерде 15 мектепке дейінгі ұйымда (1109 бүлдіршін) орналасқан.
Ауданда 219 білім беру ұйымындағы 41 мектепке дейінгі шағын орталықтарда – 1182 мектеп жасына дейінгі бала тәрбиеленіп, білім алды. Ал, 20 білім беру ұйымындағы 39 мектепалды даярлық сыныптарда – 761 бала оқыды. Аудандағы 26 мектептегі бастауыш кластарда – 1577 бала білім алып шықты. Ауданда 1-6 жас аралығындағы балалардың балабақшамен қамтылуы – 90,8 % құраса, 3-6 жас арасында бұл көрсеткіш жылда – 100 % болады. Яғни,мектеп жасына дейінгі 3-4 жастағы балалар мектепке дейінгі ұйымдар мен шағын орталықтарда тәрбиеленсе, 5-6 жастағы балалар мектепалды даярлық сыныптар мен бастауыш кластарда білім алады.
Ұлттық бірыңғай тестілеу қорытындысы
Ауданның жалпы орта білім беретін мектептері түлектерінің Ұлттық Бірыңғай Тестілеуі 2017 жылдың 21 маусымы күні Ж.Кереев атындағы орта мектеп базасында өткізілді. ҰБТ-ге қатысқан орта білім беру ұйымдарының саны-17. Түлектерді ұлттық бірыңғай тестілеуге психологиялық тұрғыдан дайындау мақсатында аудан психологтары тренингтер ұйымдастырды. Ата-аналарға мектеп жанынан арнайы киіз үй тігіліп, сынақ өтіп жатқан аудиторияны тікелей бейнебайланыс арқылы көруге мүмкіндік алды.
Аудан бойынша мектеп бітіруші 409 түлектің 248-і ҰБТ-ге (60,6%) қатысса, Білім және ғылым министрлігінің бұйрығына сәйкес барлық білім беру мекемелерінде 11 сынып білім алушылары қорытынды аттестаттау - ана тілі және әдебиетінен (оқыту тілі) эссе нысанында жазбаша емтихан, орыс тілінде оқытатын мектептердегі қазақ тілінен, қазақ тілінде оқытатын мектептердегі орыс тілінен тестілеу, таңдау пәні бойынша тестілеу, алгебра және анализ бастамалары пәнінен жазбаша емтихан, Қазақстан тарихы пәнінен ауызша емтихан тапсырды.
Тестілеу нәтижесінде аудан бойынша орта балл – 71,8 баллды құрады. Ал шығармашылық мамандықтарды таңдаған оқушылардың жалпы балын есептемегенде аудан бойынша орта балл- 72,7 баллды құрайды. Шығармашылық мамандықтарды таңдаған оқушы саны- 5. Олар №1 МГ, Қопа орта мектебі, Алтықарасу МБ және Кеңкияқ ОМ. Жалпы балл саны – 158.
Аудан бойынша ең жақсы нәтиже көрсеткен:
- Шұбарқұдық гимназиясы 105,3 балл
- №2 орта мектебі- 81,8
- Алтықарасу меткеп-балабақшасы - 86,3 (Шығармашылық мамандықтарды таңдаған оқушының жалпы балын қоспағанда)
Аудан бойынша ҰБТ –де ең төменгі көрсеткіштерді төменде көрсетілген мектептер көрсетіп отыр:
- С.Бәйішев ат. орта мектебі -60,7 балл
- Теректі мектеп-балабақшасы -60,7 балл
Ұлттық бірыңғай тестілеу нәтижелері білім бөлімі кеңесінде талқыланып, барлық білім беру ұйымдарына жеткізілді және педагогикалық кеңесте қаралынды.
Қосымша білім беруді дамыту мен тәрбие жұмыстары
Аудан бойынша 2017-2018 оқу жылы бойынша мектептен тыс қосымша білім беру ұйымдарының саны- 4. Барлығы қосымша білім беру ұйымдары -2626 баламен қамтылған, пайыздық көрсеткіші 40 пайыз.
Білім беру ұйымдарындағы үйірме саны – 173,оның ішінде 102 спорттық үйірме.
Жөндеу жұмыстары
2017 жылы Темір аудандық білім бөліміне қарасты 7 мектепке күрделі жөндеу жұмыстарына облыстық бөджеттен 133591,0 мың теңге бөлініп, әктеу, сырлау, есік және терезе әйнектерін алмастыру жұмыстары, монтаждық және демонтаждық , еден жөндеу, жылыту жүйесін жөндеу жұмыстары жүргізілді. № 1 Шұбарқұдық мектеп-гимназиясына 41379,2 мың теңгеге, Ә.Молдағұлова атындағы негізгі мектебіне 10976,1 мың теңгеге, Алтықарасу мектеп-балабақшасына 24981,4 мың теңгеге, Бабатай орта мектебіне 8987,9 мың теңгеге, Жамбыл мектеп –балабақшасына 17609,6 мың теңгеге, № 5 бастауыш мектебіне 11934,6 мың теңгеге, С.Бәйішев атындағы орта мектебіне 17722,2 мың теңгеге күрделі жөндеу жұмыстары жүргізілді.
Лагерь
2018 жылғы жазғы каникул кезінде мектеп оқушыларының жазғы каникулдағы бос уақытын тиімді ұйымдастыру шараларына ауданнан 5987 оқушы тартылады. Аудандық білім бөліміне қарасты мекемелерде І-ІІ-ІІІ аусым бойыша мектеп ауласын көгалдандыру, еңбек практикасы, ағылшын тілдік лагері , аудандық сауықтыру лагері, ата-аналар демеушілігімен қала сыртындағы лагерь және оқушыларға ақылы еңбек лагерьлері, шатырлы лагерь ұйымдастыру жоспарлануда. Жаппай білім беру қорынан 7 млн, 500 мың теңге қаражат бөлінді. Қазіргі таңда қала сыртындағы лагерьлерге 5 млн теңге қарастырылуда.
Темір аудандық білім бөлімінің басшысы Нуртазина Г.О
Қазақстан Республикасы Білім және ғылым министрінің 2016 жылғы 29 қаңтардағы №122 бұйрығына сәйкес мектепке дейінгі тәрбие мен оқытуға мемлекеттiк бiлiм беру тапсырысын орналастыру үшін конкурс өткізілетіндігі туралы ХАБАРЛАНДЫРУ
«Темір аудандық білім бөлімі» ММ-і мектепке дейінгі тәрбие мен оқытуға мемлекеттiк бiлiм беру тапсырысына конкурсқа жарияланады.
Конкурсқа қатысуға өтініш берген жекеменшік мектепке дейінгі ұйымдар конкурсқа қатыса алады.
Конкурсқа қатысу үшін жекеменшік мектепке дейінгі тәрбие мен оқыту ұйымдары аудандық білім бөліміне мынадай құжаттар ұсынады:
1) комиссия төрағасының атына Қағидаларға 1-қосымша сәйкес нысан бойынша өтініш;
2) заңды тұлғаның мемлекеттік тіркеу (қайта тіркеу) туралы анықтамасы немесе куәлігінің, жарғының, банктен қарызының жоқтығы туралы анықтаманың, салық органдарынан қарызының жоқтығы туралы анықтаманың көшірмесі;
3) мектепке дейінгі тәрбие мен оқыту ұйымдары үшін қолданылатын жылжымайтын мүлікке құқықты орнатушы құжаттардың көшірмесі (жекеменшік немесе жалға алу); 4) медициналық кабинетке лицензияның немесе тіркелген жерін ескере отырып, емханамен қызметтің көрсетілуіне жасалған шарттың болуының көшірмесі;5) білім беру органдарының жолдамасымен мемлекеттік білім беру тапсырысы бойынша балаларды қабылдау және «Білім туралы» 2015 жылғы 03 желтоқсан Қазақстан Республикасының Заңына сәйкес бекітілген ата-аналар төлемінің тарифінен аспайтын мемлекеттік білім беру тапсырысы бойынша баланы күтіп-бағуға ата-аналар төлемінің мөлшерін белгілеу туралы жеткізушінің міндеттемесі. Жеткізуші Қағидаларға 2-қосымшаға сәйкес нысаны бойынша міндеттеме нысанын толтырады.
Мемлекеттік білім беру тапсырысын орналастыру үшін конкурсқа қатысуға ниет білдірген барлық қатысушылар құжаттар жиналған пакетті 2018 жылдың 30 сәуір сағат 09:00-ге дейін Шұбарқұдық кенті, Вокзал алаңы 51Г мекен жайында орналасқан «Темір аудандық білім бөлімі» ММ-нің 4 кабинетіне тапсыруы тиіс. Жолданған пакеттерді ашу рәсімі 2018 жылдың 30 сәуір күні сағат 15:00-де «Темір аудандық білім бөлімі» ММ-нің бұйрығымен құрылған конкурстық комиссиямен өткізіледі.
Мектепке дейінгі тәрбие мен білім беруге мемлекеттік білім беру тапсырысын орналастыру бойынша қорытынды шешімі аудан әкімдігінің интернет ресурсында орналастырылады.
«Темір аудандық білім бөлімі» ММ
Қазіргі таңда Білім беру саласының басты міндеті білім беруді дамыту жөніндегі мемлекеттік бағдарламаны орындай отырып, осы саланың сапалы қызмет көрсету аясын кеңейту болып отыр. Ауданымызда білім беру саласында 32 мектеп (7 бастауыш, 6 негізгі, 19 орта оның ішінде 5 мектеп-балабақша), 4 мектептен тыс мекеме, 11 балабақша 2012-2013 оқу жылында жұмыс жасауда. Мектептердегі оқушылар саны 6213, мектептен тыс мекемелердегі оқушылар саны-791, балабақшалардағы тәрбиеленушілер саны 1000. 24 мектепте 37 мектеп алды даярлық топтары, 117 тәрбиеленушімен балабақшаларда 7 мектеп алды даярлық топтары, сонымен қатар 2-5 жас аралығындағы балалар үшін 27 мектепте 1118 тәрбиеленушілермен 53 мектепке дейінгі шағын орталықтар жұмыс жасайды. Аудан бойынша 5 мектеп жанындағы интернатта 127 бала тәрбиеленуде.Аудандағы мектептердің барлығы интернет желісіне қосылған.
Ауданда 4 мектептен тыс мекемелер жұмыс жасайды. Олар Шұбарқұдық музыка мектебі, Оқушылар үйі және Көркем сурет мектебі. Оқушылар саны-770. Білім беру мекемелерін ұстау үшін 2012 жылға жыл басында бекітілген 2 234 241,0 мың теңге ағымдағы жылдың 1 қыркүйегіне 2 235 744,0 мың теңге болып нақтыланды. Облыстық бюджеттен күрделі жөндеуге №3 орта мектебіне 57 100,0 мың, Кенкияқ кентіндегі Ақбота балабақшасына 21 100,0 мың теңге, «Жұмыспен қамту-2020» бағдарламасы бойынша республикалық бюджеттен Абай орта мектебіне 40 759,0 мың теңге бөлініп жөндеу жұмыстары жүргізілуде. Білім беру мекемелерін жаңа оқу жылына дайындау мақсатында мектептердің ағымдағы жөндеу жұмыстарына жергілікті бюджеттен 7,0 млн.теңге бөлініп, барлық мектептерде әктеу, сырлау, сынған терезе әйнектерін алмастыру жұмыстары жүргізілді. Ақбота балабақшасы бойынша ЖСҚ-н жасақтауға мемлекеттік сараптама қорытындысы үшін 795,0 мың теңге аударылды. Жалпы білім беру қорына бөлінген 17 709,0 мың теңгенің 450850, мың теңгесі жетім, аз қамтылған отбасы балаларына ақшалай көмек ретінде берілді. Мектептердің материалдық-техникалық базасын жаңарту мақсатында Еңбекші мектеп-балабақшасына жас ерекшеліктеріне қарай 740,0 мың теңгеге, 1-4 сыныптар үшін 20 парта, 5-11 сыныптар үшін 30 парта, №4 Шұбарқұдық орта мектебінің 2 сыныбына парта, тақта сатып алынды. Мектептердің медициналық кабинеттеріне 6000,0 мың теңгеге қажетті құрал-жабдықтар сатып алынды.
Жазғы кезеңде балалар мен жасөспірімдердің демалысын, сауықтырылуын ұйымдастыру шараларына аудан бойынша 5560 оқушы тартылады деп жоспарланса, бірінші кезеңде демалыспен, сауықтырумен қамтылған оқушылар саны-3456. 2011-2012 оқу жылын 6441 оқушы аяқтап, оның 608-і мектеп бітіруші түлектер. Ұлттық бірыңғай тестілеуге мектеп бітіруші түлектердің 372-і қатысып, аудан бойынша ҰБТ қорытындысы-78,6 балл.