Мәдениет

Мәдениет саласы
Мәдениет саласындағы мекемелердің саны – 28. Олардың ішінде мәдениет үйлері – 3, клубтар саны – 10. Аудан бойынша кітапханалар саны – 14. Н.Байғанин атындағы аудандық мәдениет үйінің ғимаратында аудандық орталық кітапхана және тарихи өлкетану музейі орналасқан.
Аудан бойынша 89 үйірме тұрақты жұмыс жасап келеді, қатысушылар саны 655.
Аудандық «Халықтық» және «үлгілі» атақтарын алған 11 ұжым бар.
2018 жылы мәдени ошақтарының материалдық техникалық базасын нығайтуға 4 млн 600 мың. теңгеге құрал жабдықтар алынды.
2018 жылға аудандық Н.Байғанин атындағы мәдениет үйіне, Шұбарши ауылдық клубына, Кеңкияқ ауылдық мәдениет үйіне, Шығырлы, Еңбекші,Саркөл ауылдық клубтарына жобалау –сметалық құжат ағымдағы жөндеуге жасалынды, барлығы 76 млн 769 мың тенге
Кітапханалар жұмысы
Аудан бойынша кітапханаларда кітаптың қоры – 164819 дана, оқырмандар саны – 12289, келушілер саны – 126845, кітап берілімі – 210858. 2017 жылы жаңадан сатып алынған кітап саны -3105 дана. Қазіргі уақытта 14 кітапхананың 9-ы «РАБИС» (республикалық автоматтандырылған ақпараттық жүйе) бағдарламасына қосылды.
Аудандық музей
Аудандық мұражай қорында жалпы саны – 3452 жәдігер бар. Мұражайға келушілер саны – 6751. 32 көрме ұйымдастырылып, 273 экскурсия жасалынған және 32 дәріс оқылды. Аудандық музей 2 залдан тұрады және залдар қазіргі заманға сай жаңа үлгідегі витриналармен жабдықталған.
Ақтөбеде мәдениет қызметкерлерінің форумына қатысып «Ең үздік ауылдық мәдениет үйі» номинация бойынша Кеңкияк ауылдық мәдениет үйі дипломмен марапатталды.
Әбілқайырханның 325 жылдығы мен Астана қаласының 20 жылдығына орай, Ақтөбе қаласына «Ән дарыған далада, шыңға айналған Астанам» республикалық ақындар айтысында айтыскер ақын Ершат Қайболдин бас жүлдені женіп алды.
"Қазақ мәдениеті барлық Қазақстан халқының мәдени қауымдастығын өз маңайында шоғырландырудың діңгегіне айналуы тиіс. Біздің мәдениет аймақтық құбылыс қана емес, Шығыс-Батыс ғаламдық мәдениетінің ажырамас бөлігі".
Қазақстан Республикасының Президенті Н.Назарбаев
Аудандық мәдениет және тілдерді дамыту бөліміне қарасты 28 мәдени мекеме, оның ішінде 14 клуб мекемесі, 13 кітапхана, 1 мұражай жұмыс жасайды. Елбасымыз мәдениетті тұрақты қолдауы мақсатында Қазақстанның мәдениеті, мазмұны жағынан түрленіп, сапалы өзгерістермен ерекшеленді. Жастар – біздің болашағымыздың негізі - өз болашағын құрудың жаңа мүмкіндіктерге қол жеткізеді деп Елбасымыз жастарға сенім арттырып, жастардың болашағы үшін жаңа мүмкіншіліктер туғызуда. Соның бірі «Дипломмен ауылға медиа» жобасы болып табылады. Аудандық мәдениет үйі кітапхана ұжымымен бірлесе отырып «Ұлт құндылықтары» танымдық кеш, Алтықарасу мәдениет үйінде «Рәміздерім мақтанышым» тақырыптық кеш, Темір қалалық клуб үйінде «Мемлекеттік рәміздер» қызметкерлер арасында сайыс, Тасқопа клуб үйінде «Рәміздерім танытқан алаш атын» тақырыптық кеш,Қайыңды клуб үйінде «Елтаңбасы елімнің-мақтанышы жерімнің» әдеби музыкалық кеш, т.б. мәдени шаралар ұйымдастырылды. 2011 жылдың аяғында төмендегідей өнерлі ұжымдар «Халықтық», «Үлгілі» атақты қорғады. Атап айтар болсақ балалар саз мектебі жанынан құрылған «Ару аналар» хоры, Тажигуловтардың «Гүлжазира» жанұялық ансамбілі, Копа елді мекенінен Байдышевтардың жанұялық ансамбілі «Халықтық» атақты қорғаса, №4 орта мектептің жанынан құрылған «Алтынай» бишілер тобы, Темір қалалық клуб үйі жанынан құрылған «Шаттық» бишілер тобы «Үлгілі» атақты қорғады. Аудандық мәдениет үйі мен оған қарасты мәдени ошақтарға өткізілген мәдени шаралардың саны - 578.
Аудан бойынша кітап қоры 131549, оқырман саны 11585, жанадан келген кітап саны - 1624, оның 1475 қазақша. Мерзімді баспасөзге жазылу кітапханалардың ақпараттық қорын қалыптастыруда ерекше орын алған, 2012 жылы 1 млн.600 мың теңге газет журналдарға жазылды. Кітапхананың тұрақты кітап көрмелері «Тарихым – тұнған шежіре сыр шертеді төгіле», «Қазақстан – елім менің», «Елбасы жолдауы – дамудың жаңа межесі», «Мәдени – тарихи мұра – ұлттық игілігіміз», «Тіл елімнің тірегі», «Жаңа кітаптар». «Үздік ауыл кітапханасы» облыстық байқауының ережесіне сәйкес Кеңқияқ модельді ауыл кітапханасы қатысты. Ұлттық кітапхананың Республикалық автоматтандырылған кітапханалық ақпараттық жүйе «РАБИС» бағдарламасының «Катологизатор», «Іздестіру – тапсырыс» модульдері бойынша жұмыс жасауда. Кітапханадағы катологтік жәшіктердегі карточкалар арқылы іздестіру жолын автоматтандырылған ақпараты Электронды католог тәртібі бойынша іздестіру тәсілімен алмастырды. Ауданда тарихи-өлке тану мұражайы 2005 жылдан бастап жұмыс жасайды.Темір ауданының мұражайы жоспарлы түрде жұмыс жүргізіп келеді. Әсіресе ғылыми зерттеу, құнды жәдігерлерді іздестіру бағытында қыруар жұмыс атқарылды. Досжан ишан діни-тұрғын кешеніне Ш.Уәлиханов атындағы ТЭИ-ның (Тарихи Этнологиялық Институт) қызметкерлерімен бірлесіп қорымның және мешіттің сызбалары (қорымдағы жекелеген ескі құлыптастардың және мешіт жобасымен жармасы) салынып, фото-бейне аппараттарына бейнелері түсіріліп, мұражай қорына тапсырылды.
Мәдениет – ұлт қазынасы. Ол бір орында тұрмайтын мәңгілік жасарып,жаңғырып отыратын құндылық. Сол құндылықтың өлмеуі, өркендеуі, өсуі бізге байланысты.