Аудан әкімі

Қалмағанбетов Жолдас Нұрланұлы 1978 жылы 12 сәуірде Ақтөбе облысы, Темір ауданы, Тасқопа ауылында дүниеге келген. Білімі жоғары. 1998 жылы Қ.Жұбанов атындағы Ақтөбе мемлекеттік университетін тарих пәнінің мұғалімі мамандығы бойынша бітірген. Еңбек жолын 1998 жылы Темір ауданы Сартоғай мектебінің директоры болып бастаған. Әр жылдары Темір ауданы №6 Шұбарқұдық мектебінің директоры, Тасқопа ауылдық округінің әкімі, Шұбарши кенттік округінің әкімі, Темір аудандық білім бөлімінің басшысы, Темір ауданы әкімінің орынбасары қызметтерін атқарды.
2017 жылдың наурыз айынан бастап 2018 жылдың қыркүйек айы аралығында Ақтөбе облысының дін істері басқармасының басшысы лауазымын атқарды. 2018 жылдың қыркүйек айынан бастап Ақтөбе облысы Темір ауданының әкімі.
Әкімнің функционалдық міндеттері.
1.Аудан әкімдігін және жергілікті бюджеттен қаржыландырылатын атқарушы органдарды басқарады. Орталық атқарушы органдардың барлық аумақтық бөлімшелерінің келісілген түрде жұмыс істеуін қамтамасыз етеді.
2. Мемлекеттік органдармен, ұйымдармен және азаматтармен өзара қарым-қатынас кезінде аудан мүддесін білдіреді.
3. Мәселелері:
1) әлеуметтік-экономикалық саладағы реформаларды тереңдету;
2) аудан дамытудың ұзақ мерзімге арналған басымдықтарын іске асыру;
3) мемлекеттік инвестициялық саясат;
4) ұлтаралық қарым-қатынас;
5) аудан аумағында қоғамдық-саяси тұрақтылықты, заңдылықты және құқықтық тәртіпті қамтамасыз ету;
6) кадр саясаты;
7) ауылдық округтері мен Темір қаласы әкімдерінің қызметтерін жалпы үйлестіру;
4. Аудан бюджетінің жобасын дайындау жөніндегі жұмыстарға басшылық жасайды және оның орындалуын бақылайды;
5. Қазынашылық, аудан бойынша мемлекеттік кірістер басқармасының қызметтерін жалпы үйлестіреді;
6. Прокуратура, арнайы қызмет, құқық қорғау және сот органдарымен өзара іс-қимыл жасайды.