Жаңалықтар

26.04.2013
Алғыс пен ұсыныс

Мен өз кезегінде ауданның өрт сөндіру мекемесінде жұмыс жасадым, бұдан 5-6 жыл бұрын төтенше жағдайлар бөлімінің бастығы қызметін атқардым. Бүгінде жасаған қызметімнің рахатын көріп, аудан әкімшілігі тарапынан берілген үйде зейнеткерік демалыста отырған адаммын. Олай дейтінім мен жұмыс жасап жүрген жылдары бюджеттен қаржы бөліп төтенше жағдайлар бөлімінің бастығы қызметін атқарған маған үй сатып алып берген болатын. Қазіргі таңда сол баспанада тұрып жатырмын. Біздің жасаған қызметімізге байланысты ешуақытта әкімшілік тарапынан салынған коммуналдық үйлерден баспана берілмеген болатын.
25.04.2013
Уақыттың сарапшы бағасы...

Жазға, әсіресе күзге қарай той көбейеді. Әрине тойдың болғаны жақсы. Тойлы күндерде кездескенге не жетсін. Той ортақ қуаныш. Әсіресе иелері үшін оның ағайын, туыстары, дос-жарандары, көрші-көлемі үшін айтатыны жоқ мереке. Менің айтайын дегенім той өткізудегі тәртіп мәселесі. Той иесінің емес бұл жолғы айтпағым қонақтардың тәртібі жөнінде сөз еткім келеді. Алдымен шақырылған уақытында жиналмайтынымыз қынжылтады. Мерзімінен екі-үш сағат кешігіп басталған той қонақтарды да, той иелерін де шаршатады емес пе?
13.04.2013
Сәбиді емшек сүтімен тамақтандыру өте маңызды

Емшек сүтімен тамақтандыру әсіресе сәбидің өмірінің алғашқы айларында ең жақсы тағам болатыны даусыз. Ананың сүтінде баланың өсуі, дамуы және денсаулығының мықты болуы үшін қажетті нәрлі заттардың бәрі бар, әрі оны баланың ағзасы жеңіл сіңіреді. Ақуыз, майлар, көмірсулар, витаминдер және микроэлементтермен қатар емшек сүтінде антиденелер мен басқа да қорғаныш заттар бар. Олар баланы жұқпалы аурулардан сақтандырып, аллергиялық белгілердің пайда болу мүмкіндігін азайтады. Басқасын айтпағанда, емшек сүтімен тамақтандыру - әрі оңай, әрі үнемді.
12.04.2013
ҰБТ өткізу тәртібі (2013 жыл)

ҰБТ бес пән бойынша: қазақ немесе орыс тілі (оқыту тілі), математика, Қазақстан тарихы, орыс тілінде оқытатын мектептерде қазақ тілі және қазақ тілінде оқытатын мектептерде орыс тілі және таңдаған мамандыққа байланысты бекітілген мамандықтар тізбесіне сәйкес таңдау пәні бойынша пәндердің біреуіне сәйкес өткізіледі.
09.04.2013
Тәрбие бірлікте жемісті

Гульфайруз - №6 Шұбарқұдық негізгі мектебінің бастауыш сынып мұғалімі. Сыныптық шараларға ата-аналарды үнемі белсене қатыстырып отыратын мұғалім. Жақында мұғалімнің төрт түлік малға байланысты «Өркендесін мал басы, Өсе берсін төл басы» атты ашық тәрбие сағатына ата-аналар қатыстық. Тәрбие сағатында сынып оқушыларының жұмыстары, ата-аналардың қолымен жасалған дүниелер жұмыстың тәрбиелік мазмұнын байытты. Ұлттық нақыштағы залдың безендірілуі, бұрыш бір-бірімен үндесіп тұрды.
09.04.2013
«Соттылықтың болуы немесе болмауы туралы анықтаманы беру» мемлекеттік қызмет Халыққа қызмет көрсету орталығы арқылы жүзеге асырылуда

Мемлекеттік қызметті алу үшін жеке куәлігіңізді (балалар үшін туу туралы куәлік, үшінші тұлғаға алу үшін сенімхат) алып тұрғылықты жеріңіз бойынша Халыққа қызмет көрсету орталығына жолықсаңыз болғаны, 3 жұмыс күнінде (құжат қабылданған күн мен құжат беру күні қоспағанда) анықтамаңыз дайын болады. Мемлекеттік қызмет көрсету сағат 9.00-ден 19.00-ге дейін белгіленген жұмыс кестесіне сәйкес, түскі үзіліссіз, сондай-ақ жексенбі күні мен мерекелік күндерді қоспағанда, аптасына алты күн көрсетіледі.
07.04.2013
ҚР Дін істері агенттігініңТөрағасы Қайрат Лама Шариф: «ИСЛАМ ДІНІ ӘЙЕЛГЕ ҚҰРМЕТПЕН ҚАРАЙДЫ»

Ұлт көшбасшысы Нұрсұлтан Әбішұлы Назарбаев өзінің «Қазақстан-2050 стратегиясы – қалыптасқан мемлекеттің жаңа саяси бағыты» атты Қазақстан халқына Жолдауында жаңа кезеңдегі әлеуметтік саясаттың маңызды құрамдас бөлігі ретінде ана мен баланы қорғауды бірінші орынға қойды. Мемлекет басшысының:«Бойжеткен, әйел заты әрдайым біздің қоғамның теңқұқылы мүшесі, ал ана – оның ең ардақты тұлғасы болды» деген көпшіліктің қолдауына ие болған тезисі халықты бір мақсатқа жұмылдырған, мемлекеттік және қоғамдық деңгейге көтерілген басымдыққа айналды. Бұл мәселеге кеңірек тоқталсақ, от басы, ошақ қасының берекесі, ата мен ана, ұл мен қыз секілді құндылықтарды халқымыз қашанда қастер тұтқан және қастерлей дебермек. Бұл жерде ата-ананың орнын өте жоғары бағалайтын асыл дініміз – Исламнан дәлел келтірген жөн деп ойлаймын.Мұхаммедпайғамбарымыздың«Ата-ананың балаға бере алатынең жақсы мұрасы – жақсы өнегелі тәрбиесі» деген хадисі бар.
06.04.2013
Бір шешімге тоқтады

Наурыз айының аяғында аудандық «Халыққа қызмет көрсету орталығы » қызметкерлерімен сыбайлас жемқорлықты болдырмау, алдын алу мақсатында дөңгелек үстел отырысы өтті. Қоғамдық маңызы бар тақырыптағы шараға "Нұр Отан" ХДП Темір аудандық филиалы төрағасының орынбасары А.Қоқанов қатысты. Мемлекеттік мекемелердің ішінде халықпен тығыз жұмыс жасап отырған аталмыш мекеме мамандарымен жоғарыда аталған тақырып жөнінде дөңгелек үстел өткізу өте орынды. Себебі Елбасымызда осы бір қоғамға сүліктей жабысқан дерттен бірлесіп арылуымыздың жөн екендігін ерекше атап көрсеткен болатын.
05.04.2013
Ұлт құндылығын ұлықтау

Аудан орталығы Шұбарқұдық кентінде өткізілген «Наурыз - тойы» мерекелік шараға №6 Шұбарқұдық негізгі мектебінің еңбек ұжымы үлкен дайындықпен келді. «Ауыл ақсақалы», «Ел ағасы», «Сырбаз жігіт», «Әз әжелер», «От аналары», «Бойжеткендер» деген мазмұнда ұлт киімі-мен шыққан топ үй тіккен,қазан көтерген еңбек ұжымдарына көрісіп, «ауылдың алты ауызын» айтып,ортақ мерекені әсем әуенмен шырайлан-дыра түсті.
05.04.2013
Көктем аруы 2013

Жылма жылғы игі дәстүрлердің бірі болып қалыптасқан,жыл мезгілінің сұлулығы көктемнің жаршысы іспеттес қыз сыны наурыз айының 19 күні ауданымыздағы ай қабақты, алтын кірпікті арулардың арасында «Көктем аруы – 2013» атты қыз сыны байқауы өтті. Қазақтың салт-дәстүрін қыздардың бойына сіңіру, болашақ ана, болашақ жар, шаңырақтың шырақшылары ретінде тәрбиелеу,қазақ қызының болмысына тән ұяңдық пен инабаттылықтың символын танытып,шығармашылық құзыреттіліктерін шыңдау мақсатында өткен сайысқа өңіріміздің алты бірдей ару қыздары қатысты.Байқауға 17 мен 29 жас аралығындағы қаракөздеріміз қатыса алатын болғандықтан, «Көктем аруы-2013» атағына таласты өз әпкелерімен тең дәрежеде мектеп оқушылары да қыздыра түсті.
04.04.2013
Мектептегі мереке

Кеңқияқ орта мектебінде Халықаралық әйелдер күні қарсаңында түрлі мерекелік іс-шаралар ұйымдастырылды. «Ана бір қолымен бесік тербетсе, бір қолымен әлемді тербетеді,»- дегендей аналар мерекесі көктемнің алғашқы қарлығашындай бала көңілінде ерекше бір ілтипат, сүйіспеншілік сезімін тудырады. Бұл мерекенің балаларға рухани-адамгершілік тәрбие беруде маңызы зор. «Ана - өмір шуағы», «Ана деген ардақты есім», «Тіршілік тірегі-ғазиз аналар», «Ана көркем көрінер қызыменен», «Көктем – ана, қыздар-гүл», «Қызым, саған айтам», «Қыз сыны», «Көктем аруы» тақырыптарда тәрбие сағаттары, қабырға газеттерінің конкурсы, аналармен кездесулер, дөңгелек үстел, сайыстар, іс-шаралар өткізілді.
03.04.2013
Мемлекеттік қызметкерлердің жеке табыс салығы және мүлкі туралы декларациясын тапсыру

Өздеріңізге белгілі, Қазақстан Республикасының «Салық және бюджетке төленетін басқа да міндетті төлемдер туралы» Кодексінің 185 бабына, Қазақстан Республикасының «Қылмыстық - атқару кодексіне» және «Сыбайлас жемқорлыққа қарсы күрес туралы» Қазақстан Республикасының Заңына сәйкес декларацияны табыс ету міндеті жүктелген жеке тұлғалар табыстары мен Қазақстан Республикасының аумағында да, одан тысқары жерлерде де орналасқан және салық салу объектісі болып табылатын мүлкі туралы декларацияны 2013 жылдың 31 наурызына дейін табыс етуі тиіс.
01.04.2013
Гендерлік мәдениет туралы

Қазақстанда гендерлік саясатты жүргізу жұмысын Қазақстан Республикасы Президентінің жанындағы Әйелдер істері және отбасылық – демографиялық саясат жөніндегі ұлттық комиссия үйлестіреді. Комиссияның негізгі міндеті Қазақстан Республикасында 2006 - 2016 жылдарға арналған гендерлік теңдік стратегиясы және Қазақстан қатысушысы болып табылатын отбасы мен гендерлік теңдік мәселері жөніндегі халықаралық келісім - шарттар аясында отбасына, әйелдер мен ерлердің теңдігіне қатысты кешенді мемлекеттік саясатты жүзеге асыру болып табылады. 1998 жылы қабылданаған БҰҰ Әйелдерге қатысты кемсітудің барлық нысандарын жою туралы конвенция солардың бірі болып табылады.
29.03.2013
Балабақшадағы Наурыз тойы

Ұлыстың ұлы мерекесі біздің «Айгөлек» балабақшасында да дәстүр бойынша тойланып өтті. «Қош келдің Наурыз», «Наурыз тойы» тақырыптарында ортаңғы және І кіші топтарында мерекелік шаралар өткізілді. Мерекелік шаралар ұлттық салт –дәстүрімізді, әдет-ғұрпымызды ұрпақ бойына сіңіру, олардың қалай орындалу барысын үйрету мақсатында өткізілді. «Ақбота» тобының бүлдіршіндері Наурыз тойын ұлттық салтымыздың негізінде безендірілген бұрышында өткізді. Олар «Ұлттық өнер», «Нақыл сөздер» және «Ұлттық тағамдар» аясында көп білуге арналған бағдарлама бойынша наурыз нақыштарымен танысты.
26.03.2013
Жеңіс биігінен көрінді

Мектеп оқушылары қай жарыстан да жүлделі оралып, ауданның беделін көтеруге көп үлес қосуда. Бұл әрине мектеп мұғалімдерінің үлкен еңбегінің арқасында. «Шәкірттердің жеңісі-мектебіміздің жемісі» демекші әр оқушы жүлдеге ие болған сайын, оның оқу ордасының қандай деңгейде екенін білуге болады. Осы орайда Ақтөбе қаласында жалпы білім беретін пәндер бойынша Республикалық олимпиаданың облыстық кезеңінде Қазақстан тарихы пәнінен өткен жарысқа №1 мектеп-гимназиясының оқушылары барып, өз білімдерін ортаға салып қайтты.

Беттер