Жаңалықтар

05.04.2017
Аудан әкімі Кеңқияқ өңірінде болды

Ағымдағы жылдың 4 сәуірінде аудан әкімі Асқар Жүсібалиев Кеңқияқ ауылында болып, Кеңқияқ ауылдық округінің әкімі лауазымына үміткерлерді таныстыру мақсатында жергілікті қоғамдастық мүшелерімен кездесті.
Кеңқияқ ауылдық округінің лауазымына үміткерлердің қатарында сол ауылдың басшысының міндетін уақытша атқарып жүрген Сүтемген Аян Мағауияұлы, Алтықарасу ауылдық округінің әкімі Шүйіншалин Мәди Жақсылықұлы және Мұғалжар ауданына қарасты Еңбек ауылын басқарған Қабақбаев Баубек Аманғалиұлы сынды азаматтар бар.
Жиын барысында қоғамдастық мүшелері аудан басшысына ауыл әкімі лауазымына үміткерлердің кандидатурасына байланысты өз ұсыныстарын білдіргендер де болды.
Аудан әкімі Асқар Жүсібалиев округтегі мектеп, ауылдық аурухана және бұрынғы мектеп ғимаратының 250 орындық балабақшаға лайықтап жасақтау (реконструкция) құрылысының жұмыс барысымен танысты. Балабақша жасақтау жұмысын ағымдағы жылдың маусым-шілде айларында аяқтау жоспарлануда.
04.04.2017
Құрметті Темір ауданының тұрғындары 2017-жылы 11-сәуір күні аудан әкімі А.Қ.Жүсібалиевтің тұрғындарды қабылдауы өтетіндігін хабарлаймыз!

31.03.2017
Құрметті Темір ауданының тұрғындары 2017-жылы 7-сәуір күні аудан әкімі А.Қ.Жүсібалиевтің тұрғындарды қабылдауы өтетіндігін хабарлаймыз!

28.03.2017
Хабарландыру

Аудан әкімінің бекітілген кестесіне сәйкес жұмыс тобының
2017 жылдың ІІ тоқсанына арналған Темір ауданында
азаматтардың өтініштерін қарау, түсіндіру және шешу жөніндегі
қоғамдық қабылдаудың жұмыс кестесі
Қабылдау күні
Қабылдау уақыты
Қабылдау өтетін орын
Сәуір
08.04.2017
22.04.2017
10:00 – 12:00
10:00 – 12:00
Аудандық мәдениет үйі
«Нұр Отан» Темір аудандық филиалы
Мамыр
06.05.2017
20.05.2017
10:00 – 12:00
10:00 – 12:00
Аудандық мәдениет үйі
«Нұр Отан» Темір аудандық филиалы
Маусым
03.06.2017
17.06.2017
10:00 – 12:00
10:00 – 12:00
Аудандық мәдениет үйі
«Нұр Отан» Темір аудандық филиалы
27.03.2017
Қазақтың танымы исламмен үндес.

Қазақтың танымы исламмен үндес.
Қазақ мәдениеті дін исламмен қатар дамып, өркениет көшінен өз арнасын тауып, биігін бағындырды. Халықтың табиғаты мен таным-түсінігіне сай түскен хақ дін қазақ топырағында түлеп, Түркістан жұртынан көптеген ғалым-ғұламалар да шықты. Тарихи үндестік тапқан асыл дініміздің бүгінгі қоғамдағы рөлі, ұлт иммунитетін қалыптастырудағы исламның маңыздылығы мен дін атын жамылған ағымдарға қарсы күрес жүргізудің әдіс-тәсілдері турасында белгілі исламтанушы, Қазақстан мұсылмандары діни басқармасы Ғұламалар кеңесінің мүшесі Ерсін Әміремен әңгімелескен едік.
16.03.2017
Темір аудандық Қоғамдық кеңесінің кезекті отырысы

2017 жылдың 15 наурызында аудан әкімдігінің мәжіліс залында Темір аудандық Қоғамдық кеңесінің жоспарға сәйкес кезекті отырысы өтті. Отырысқа Қоғамдық кеңес мүшелері, жергілікті бөлім басшылары, БАҚ өкілдері қатысып, аудандық экономика және бюджеттік жоспарлау бөлімінің басшысы Н.Садыкованың «Бюджеттік бағдарламалардың стратегиялық жоспарын және де аумақтарды дамыту бағдарламаларының жобаларын талқылау және бекіту» туралы есебі тындалып, талқыланды.
Аудандық экономика және бюджеттік жоспарлау бөлімінің басшысы өз баяндамасында «2017-2019 жылдарға арналған Темір ауданының бюджетін бекіту туралы» аудан мәслихатының 2016 жылғы 20 желтоқсандағы № 56 шешімімен аудандық бюджеттің кірісі мен шығысының жоспары 4 млрд. 680 млн. 720 мың теңгеге бекітілгенін, оның ішінде, аудандық бюджеттің кіріс пен шығындары 3 млрд. 80 млн. теңгені құрайтындығын атап өтті. Жалпы аудан бюджетінің шығындарға арналған жоспарымен таныстырып, аумақтарды дамыту бағдарламасымен де таныстырып өтті.
15.03.2017
Хабарландыру

Темір ауданы әкімдігі
Шұбарқұдық ауылының орталық көшелерінің көгалдандыру,
абаттандыру және безендіру жұмыстары бойынша
КОНКУРС өткізетіні туралы хабарлайды!
Құрметті Темір ауданының тұрғындары! Біздің сүйікті мекеніміз, аудан орталығы Шұбарқұдық ауылының орталық көшелерін көгалдандыру, абаттандыру және безендіру жұмыстары бойынша сіздердің эскиз жұмыстарыңызды күтеміз. Осы орайда Темір ауданы әкімдігі эскиз жұмыстарына КОНКУРС ұйымдастырады!
КОНКУРСҚА барлық ниеттілер қатыса алады және КОНКУРСҚА қатысушылардың жас ерекшеліктеріне шектеу қойылмайды.
Шұбарқұдықтың орталық көшелеріне көгалдандыру, абаттандыру және безендіру бойынша эскиз жұмыстарына төмендегідей талаптар қойылады:
1) жұмыс көп қаржыны талап етпейтін;
2) ауылдың экологиясына сай;
3) ауылдың көркін келтіретіндей жаңа үлгіде;
4) жарықтандыруды қамтыған;
5) тұрғындарға жайлы демалыс пен жақсы көңіл-күй сыйлайтыдай болуы тиіс.
Конкурсқа қатысушылардың назарына!
10.03.2017
ИСЛАМ және МЕДИЦИНА

ИСЛАМ және МЕДИЦИНА
09.03.2017
Құрметті Темір ауданының тұрғындары 2017-жылы 16-наурыз күні аудан әкімі А.Қ.Жүсібалиевтің тұрғындарды қабылдауы өтетіндігін хабарлаймыз!

07.03.2017
Зейнетақы капиталын сақтау және көбейту

Бүгінгі таңдағы өзекті тақырыптардың бірі қазақстандықтардың зейнетақы жинақтарының инвестициялық табысы болып отыр. Салымшылардың жеке зейнетақы шоттарына аударатын жарналары сомасындағы табыс Сіз бен біздің зейнетақымыздың жинақтаушы бөлігін құрайды.
«Зейнетақымен қамсыздандыру туралы» ҚР Заңының 35-бабына сәйкес Ұлттық Банк инвестициялайтын қазақстандықтардың зейнетақы жинақтарына табыс тұрақты түрде түсіп тұрады: күн сайын әрбір қаржы күнінің соңында қаражаттарға оны тауысқанға дейін, яғни егер адам зейнетке шықса да және оны алып жүрсе де, оның әлі де түртілмеген жинақтарына инвестициялық табыс есептеле береді. Осылайша, егер адам ұзақ уақыт бойы ешқандай аударымдар жасамаған болса, ол бәрібір инвестициялық табыс ала береді.
БЖЗҚ осыған орай қызықты бір оқиғамен бөлісті: осыдан біраз уақыт бұрын Қордың операциялық залына жас жігіт жаңадан жұмысқа орналасқандықтан өз зейнетақы шартын жаңартуға келген. Ол бұған дейін екі жыл бойы жұмыссыз жүрген екен және сәйкесінше оның шотына жарналар түспеген. Оның өз есептері бойынша оның жеке зейнетақы шотында 600 мыңнан астам теңге болуы керек еді. Алайда үзінді көшірмені алған жас жігіт біршама таңырқау күйде қалды: жұмыссыз жүрген көптеген айлар ішінде оның шотындағы зейнетақы жинақтары 120 мыңға ұлғайған.
02.03.2017
БЖЗҚ

2017 жылғы 1 ақпанда шарттардың барлық түрлері бойынша салымшылардың (алушылардың) жеке зейнетақы шоттарының (ЖЗШ) саны 10,04 млн. бірлік, оның ішінде міндетті зейнетақы жарналары (МЗЖ) есебінен 9,58 млн. бірлік болды. Міндетті кәсіптік зейнетақы жарналары бойынша салымшылардың ЖЗШ саны 421,25 мың бірлік, ал ерікті зейнетақы жарналары бойынша 38,99 мың бірлік болды.
2017 жылғы қаңтарда түсімдердің жалпы сомасы 61,2 млрд. теңге болды. Әскери қызметшілер мен әлеуетті құрылымдар қызметкерлерінің пайдасына 2016 жылғы 1 қаңтарға дейін бюджет қаражаты есебінен аударылған міндетті зейнетақы жарналары сомасынан 50 пайызын республикалық бюджетке қайтару есепке алына отырып, қайтарылған жарналар сомасы 0,4 млрд. теңге болды.
2017 жылдың басынан бастап салымшылардың ЖЗШ-сына есептелген таза инвестициялық табыс сомасы 10,79 млрд. теңге болды.
2017 жылғы қаңтарда БЖЗҚ-дан төленген зейнетақы төлемдерінің сомасы 43,14 млрд. теңге, оның ішінде сақтандыру ұйымдарына аударымдар 2,09 млрд. теңге болды.
Салымшы (алушы) өзінің ЖЗШ-сындағы зейнетақы жинақтарының жай-күйі туралы (оның ішінде есептелген инвестициялық табыс туралы) ақпаратты БЖЗҚ-ның 231 дербес қызмет көрсету орталығының бірінен, пошта байланысы арқылы, электрондық пошта арқылы, БЖЗҚ сайты немесе ұялы қосымша арқылы ала алады.
01.03.2017
Облыс прокуроры Н.М.Әбдіров іс-сапармен Темір ауданында болды

1 наурыз күні аудандық прокуратура жанындағы Дін істері бойынша өзара іс-қимылды үйлестіру жөніндегі ауданаралық Орталығында облыс прокуроры Н.М.Әбдіровтың төрағалық етуімен мәжіліс өтті. Мәжіліс жұмысына аудан әкімі А.Қ.Жүсібалиев, аудандық құқық қорғау және атқару органдарының басшылары, қоғамдық ұйымдар өкілдері шақырылды.
Сондай-ақ, облыс әкімінің орынбасары А.Т.Шериязданов, облыстық прокуратура қызметкерлері, Алға, Байғанин, Мұғалжар, Шалқар аудандарының өкілдері бейнебайланыс жүйесімен мәжіліс жұмысына қатысты.
Облыс прокуроры Н.М.Әбдіров ауданға іс-сапар барысында Қопа ауылы мен Темір қаласында болып, тұрғындармен кездесті.
28.02.2017
Темір ауданы сотының төрағасы Бақтығали Нұрлан Амантұрлыұлын аудан жұртшылығымен таныстырды

2017 жылы 28 ақпан күні ауданымызға Ақтөбе облыстық сот төрағасы Әкетай Мұратғали Абрарұлы келіп, ҚР Президентінің 2017 жылғы 20 ақпандағы №426 Жарлығымен тағайындалған Темір ауданы сотының төрағасы Бақтығали Нұрлан Амантұрлыұлын аудан жұртшылығымен таныстырды. Аудан тұрғындарымен кездесу барысында Мұратғали Абрарұлы ҚР Сот жүйесінің дамуы, сот жүйесінің негізгі мақсат-міндеттеріне тоқталып өтті. Өз сөзінде негізгі мақсат – жазалау емес, жазалау арқылы теріс қылықтан сақ болуға тәрбиелеу екендігін алға тартты. Жаңадан тағайындалған сот төрағасы Нұрлан Амантұрлыұлына судья қызметінің жауапкершілігін айта отырып, сенімін білдірді. Бақтығали Нұрлан Амантұрлыұлы – 1973 жылы 17 қарашада Ақтөбе облысы Байғанин ауданында дүниеге келген. Жалпы мемлекеттік қызметтегі еңбек өтілі -18 жыл. Бухгалтер, университет оқытушысы, кеңесші, облыстық соттар әкімшісінің бөлім басшысы, Қарғалы, Ойыл аудандық соттарының төрағасы, Ақтөбе қалалық мамандандырылған әкімшілік судьясы қызметтерін атқарған.
Өз кезегінде аудан әкімі Жүсібалиев Асқар Қазиханұлы кездесуді қорытындылай келе, облыстық сот төрағасы Мұратғали Абрарұлына өз алғысын білдіре келе, аудандық сот төрағасы Нұрлан Амантұрлыұлының қызметіне сәттілік тіледі.
27.02.2017
Көктемгі су тасқынынан сақтық шаралары жасалуда

Темір ауданы аумағында көктемгі қар суынан төніп тұрған айтарлықтай қауіп жоқ. Былтырғы жылға қарағанда биылғы жылы қыс ерте түскенімен қардың жиналған қоры көп, жалпы аудан өңіріндегі жағдай бір қалыпты. Дегенмен қауіп жоқ деп қамсыз отыруға болмайды, тасқынның алдын алу шараларын уақытында жүргізіп отыруымыз қажет. Себебі көктемгі кезде ауа – райының құбылмалылығына байланысты су тасқыны білінбей жай өтуіде мүмкін, ал кейде апатқа да әкелуі мүмкін.
Алда келе жатырған көктемгі кезеңге байланысты, табиғи және техногендік сипаттағы төтенше жағдайлардың алдын алу мен жоюдың жүйесін ұйымдастыруды жүзеге асыру мақсатында, аудан көлемінде бірқатар шаралар атқарылуда. Осы мақсатта 2017 жылдың көктемгі су тасқыны кезеңінде төтенше жағдайлардың алдын алу жөніндегі іс-шараларды бекіту туралы аудан әкімінің 2017 жылғы 14 ақпанындағы №39 қаулысы қабылданды. Аталған қаулыға сәйкес су тасқынына қарсы аудандық комиссия құрылып, іс-шаралар жоспарлары бекітілді. 2017 жылғы 22 ақпан күні аудан әкімінің орынбасары, су тасқынына қарсы комиссия төрағасының басшылығымен су тасқынына қарсы комиссияның отырысы өткізіліп, селолық округ әкімдеріне және өмірлік маңызды нысандардың басшыларына тасқынның алдын алу жөнінде нақты тапсырмалар берілді және аяқ астынан су басу қауіпін болдырмау мақсатында су басуы мүмкін аймақтарға, авто және темір жол аумақтарына мониторинг жүргізу, қажет болған жағдайда тәулік бойы кезекшілік жұмыстарын ұйымдастыру, барлық округтерде құтқарушы топтарын құрып, оларды қажетті техникамен қамтамасыз ету жұмыстары жүргізілуде.
24.02.2017
Ислам және қазақ ырымдары.

Ислам және қазақ ырымдары.

Беттер